تركيب المرايات الجديده لسوزوكى التو 2015 بالصور

بسم الله الرحمن الرحيم
بواسطة : محمد الملاح

طبعا كلنا عارفين ان الالتو بتنزل بره مصر بمرايات عريضه اما عندنا بتنزل بنفس مرايات الالتو
جت الفكره باننا نحاول نجيب المرايات الاصلية بتاعتها العريضه من الهند ونركبها واستاذ هانى صاحب محلات سوزوكى سنتر تفضل مشكورا بعرض مرايه مجانيه لتركيبها وتجربتها والحمد لله التجهربه كانت ناجحه جدا


اولا .. المراية هي بتاعتها فعلا محتاجتش لاي تعديل خالص
ثانيا .. الباب المجهز ومخروم جاهز .. برضة مأحتاجتش اني اعدل اي حاجه او اخرم اي خرم
الحاجة الوحيدة اللي عدلتها هي الفيبره القديمة اللي من داخل الصالون .. خرمتها خرم صغير قطره حوالي 2 سم
....................................
المزايا:
شكلها حلو جداااا ما شاء الله .. قابلة للطي .. ظبط داخلي
العيوب (ويارب قدرني اني اعرف اشرحها كويس)
المرايا دي جاية من الهند وزي ما انتم عارفين الدركسيون في الهند في الناحية اليمين فالمرايا الشمال مصممه علي انها تكون بعيد عن السواق .. فطبعا علشان انا طويل اضطريت اني اعوجها علي الاخر لبره وكمان عوجت جسم المرايا الخارجيه لبره اكتر من المفروض علشان اعرف اشوف كويس .. هو عيب رخم شويه بس يمكن التغاضي عنه في مقابل المزايا الثانيه ومش هتبقي عيب خالص بالنسبة للي جسمهم صغير
كمان في عيب ان العربيه بقت عوره (بمرايه ومرايه)
والحمد لله كانت تجربة مفيدة .. واتمني اني اكون افادتكم