زيت فتيس الأوبل فى كلمتين

كلمتين وبس
========
زيت الفتيس
=======
اية اللى ممكن يحصل لو مش غيرتة
الاجابة فى كلمة واحدة الفتيس هاياكل فى نفسة ويموت
مش هانتكلم كتير ونقول جزيئات حديد وتاكل والفتيس بيعض
المانوال
====
يتم تغييرة كل 60 الف كيلو
حكاية انة بيتزود كلام فاضي
طريقة التغيير ترفع العربية تفك الكارتيرة بتاعت الزيت الفتيس واوقات بتبقي طبة المهم تنزل الزيت
تفك المسامير
تغسل الكارتيرة بنزين
تشوف الجوان نظامة اية ؟ لو بايظ تغييرة لو سليم رجعة تاني فى مكانة + كام نقطة سيلكون للامان
ترجع كل حاجة تاني
تفتح الكابوت وتجيب قمع طويل ب 5 ج بلاستيك هتلاقي فى الفتيس طبة لقياس الزيت والتانية لتزويد هاتجيب وصلة طويلة عشان تطول الطبة وتمد الوصلة (الوصلة دي مفتاح لية وصلات عشان يطول )
وتفك الطبة
تحط الزيت ولازم تعرف كمية الزيت الموصي بيها 1.6 للكورسا والفيكترا تقريبا 1.8
تقفل الطبة تدور العربية وانطلق

================================================== ================================================== ================
الاوتوماتيك تغييرة كل 30 الف او 40 بحد اقصي او حسب كتالوج العربية
======
طريقة التغيير تقريبا نفس طريقة تغيير المانوال
طيب لو مش غيرتة اية اللى هايحصل او اعراضة اية
===============================
1- ظهور صوت عال أثناء السير يكون بسبب تآكل "رولمان بلى الفتيس الأوتوماتيك" أو تآكل التروس ويتم تغيير الأجزاء التالفة بعد فحصها والتأكد من تلفها.
2- ى التفويت فى الفتيس وتظهر فى عدم سحب وتسارع بطيء برغم الضغط على دواسة البنزين، وتكون هذه المشكلة غالباً بسبب تآكل القوابض، أما إذا كانت المشكلة فى انتظام الغيارات فمثلاً لا يتم تعشيق الغيار الأول أو الثانى أو تعشيق مستمر لغيار معين دون تغييره فمن الممكن أن تكون المشكلة فى جسم الصمامات
بالبلدي العربية مش بتنقل
الانواع
====
1- مانوال موبيل زيت تروس لازوجة 140 عربيات قديمة و 90 عربيات جديدة او اى نوع تاني براحتك
2- اوتوماتيك موبيل 320 او اى نوع براحتك انت المهم تغييرة وخلاص
طريقة المحافظة علي الفتيس
================
1- متديش غيار عكسي الا والعربية واقفة يعني متبقاش ماشي علي d وتهدي السرعة وتديها r عشان تلف او حاجة اهم نقطة تدوس فرامل العربية تقف واعمل اللى انت عاوزة
2- بلاش الامركة
3- غير الزيت في ميعادة
4- تابع اي تسريب من الفتيس
5- متحملش العربية شنط 4 ورا و 3قدام وعلي السقف شنط وعومات رايح المصيف بقة بلاش الحركة دي

المصدر : جروب أوبل الأسطورة الألمانية  

 

لمزيد من المواضيع ذات صلة عبر موقعنا الجديد
اضغط هنا