تقيمى للبريليانس v5 بعد استخدام أكثر من سنه وعداد 14500كم
الأول وقبل ما أبدا اتكلم أحب أوضح انا كنت راكب ايه قبليها :-
1 - أوبل فيكترا موديل 98
2- أوبل فيكترا موديل 2003
3 - فولكس فاجن سوران موديل 2009 زيرو
4 - فولكس فاجن باسات موديل 2009 زيرو
طبعا زى ما انتوا شايفين طول عمرى مبركبش غير العربيات الالمانى فقط ........امال ايه اللى خلاك يا بشمهندس تجيب عربيه صينى ؟؟
أولا مش معنى انى نزلت من عربيه المانى لعربيه صينى ان مكنش معايا فلوس حاجه اعلى مثلا منها انا اساسا كنت ناوى على نيسان قاشقاى وقتها كانت ب 220 الف او كيا سبورتاج كنت محتار ما بينهم يعنى فئه سعريه كانت اعلى بكتير من البريليانس وانا شارى العربيه فى شهر 7 سنه 2014 بس العربيه موديل 2015
واحد صاحبى قالى فكر فى البريليانس وبالفعل نزلت وروحت واتفرجت عليها والعربيه ابهرتنى بجد تقريبا كل يوم كنت بنزل اروح المعرض واركبها واتفرج عليها وكنت بعمل سيرش على جوجل واشوف ايه مميزاتها وعيوبها واخد الكلام واقوله للراجل صاحب المعرض واشوف الكلام قدام عينى لغايه لما استقريت انى هجيبها خلاص .......... وبالفعل جبتها وكنت اول واحد يستلم موديل 2015
هتكلم معاكم بالتفصيل عن العربيه
( الشكل الخارجى ) :-
ديزاين العربيه بجد متصمم باحترافيه يمكن وهو مقتبس من ديزاين بى ام دبليو اكس 1 بس فى نظرى ان العربيه واخده حجم الاكس 3 مع ديزاين الاكس 1 وبالفعل ورغم ان محطوط علامه بريليانس الا بانى الاقى ناس تقولى بكام البى ام دى هههههههههه
( الشكل الداخلى ) :-
تصميم التابلوه جميل اوى وتحس العربيه ملمومه كده وكل حاجه سهله قدامك والطاره فيها شبه من بتاعت فولكس فاجن
( خامات التابلوه ) :-
أجمل ما فى العربيه هى خاماتها بجد وعلشان كده بنقول اللى يقولك دى صينى اى كلام ومش عارف ايه بلاش تفتى الله يكرمك بجد انا مبهور من الخامات بتاعتها ومتقلش عن الكيا سبورتاج مثلا ام 300 الف دلوقتى روح واركب الاتنين بنفسك وشوف يعنى بجد تحس ان العربيه مصروف عليها فعلا ومتصنعه بضمير
وعندك كمان الطاره والفتيس جلد طبيعى بالكامل شغل هاند ميد
( الإنطباع العام أثناء الجلوس ) :-
انت مجرد ما تفتح الباب وتحس بتقله تحس بفخامه العربيه ده وانت لسه بتفتح الباب وبمجرد الجلوس على الكرسى تحس انك قاعد ملك الطريق ومرتاح والجلوس سواء على كرسى السائق او الكنبه ورا مريحه جدا والعربيه اساسا واسعه من جوه يعنى انا طولى 185 ببقى مرجع الكرسى طبعا ورا ومع ذلك جربت اركب ورا كنت مرتاح جدا ........ نسيت اقول ان كرسى السائق ينفع تعدله فى 6 اتجاهات والكرسى اللى جنبك بيتعدل فى 4 اتجاهات
( الأداء ):-
وطبعا زى ما انتوا عارفين ان العربيه موتور مايفك يابانى من ميتسوبيشى 117 هورس باور ادائه على العربيه كويس ....... بس هو فيه حاجه عن نفسى بلاحظ ان سحب العربيه من 0 ل 60 كم/س بيبقى بطىء نوعا ما عن اى عربيه ركبتها قبل كده مش هقول بطه بلدى ولكن للناس اللى بتعشق السرعه على السرعات الاولى تجميعها بطىء شوية عن العربيات التانيه بس انا لاحظت انى لو كبست بنزين جامد العربيه بتجرى الله ينور رغم ان صوت العربيه مبيكونش عالى اوى وانا بضغط جامد بس العربيه بتصعب عليه ههههههههه لانى اساسا من النوع اللى مش بيحب يجرى بالعربيه بس بس عموما فى اى حاله من بع ال60 العربيه تقدر تشد بيها وتجرى وكل حاجه
خلى بالك كمان انا فوق كنت بتكلم وانا ماشى بالعربيه اوتوماتيك وزى ما انتوا عارفين ان الفتيس ستبترونيك ( مانوال و اوتوماتيك ) وكنت قولتلكم ان الفتيس كورى من هيونداى المهم انا لما جربت احول الفتيس لمانوال وامشى بيها حسيت ان العربيه سحبها على السرعات الاولى جميل وكانها عايزه تجرى منى هههههههههههه فكده انا مش شايف ان دى مشكله فى العربيه ومتنسوش فى الأول والاخر ان العربيه اساسا وزنها تقيل ودى ميزه مش عيب
العزل بتاع العربيه كويس اوى كمان
( الثبات والاتزان ) :-
زى ما قولتلكم انا مش من النوع اللى بيجرى رغم انى شاب والمفروض احب السرعه ههههههههههههه ما علينا بس انا اخرى 120 والمره الوحيده اللى زودت عن كده كنت جايب 150 لما سهيت بالصدفه اصل كنت بشد مع واحد على الطريق الدولى وكان غايظنى بس الثبات فى العربيه الله أكبر بجد ما شاء الله تاخد ملفات اى حاجه على سرعه عاليه ولا هتحس بأى حاجه والعربيه دى مشهوره اساسا بالاتزان والثبات بتاعها
( الأمان ) :-
من الحاجات اللى بتميز العربيه دى وسائل الأمان اللى فيها انا بتكلم عن الهاى لاين بتاعتى فيها 4 ايرباج وفرامل ABS+EBD+ASR والفئة اللى قبليها فيها 2 ايرباج بالاضافه لانظمة الفرامل دى...... خلى بالك كمان فيه عربيه اسمها هيونداى كريتا اول فئه عامله 190 الف تخيل انك تدفع المبلغ ده فى عربيه مفيهاش ايرباج واحد ؟؟؟؟؟؟؟؟؟ فى حين ان اقل فئه فى البريليانس مهتمين بالامان فيها 2 ايرباج وفرامل ABS+EBD+ASR الكلام ده مش موجود فى الهيونداى طبعا غير الفئات العاليه اوى
( قوة التحمل ) :-
وهنا هتكلم عن حاجتين :-
- الصاج : وعايز اقول ان العربيه الصاج بتاعها جاى من بى ام دبليو نفسها وعلشان كده هتلاحظوا مدى سمك الصاج بتاعها بسم الله ما شاء الله الله أكبر يعنى الصاج بتاعها مش موجود فى اى عربيه يابانى او كورى مش هتلاقيه غير فى العربيات الالمانى بس وكل الصنايعيه لما تروحلهم يبقوا مستغربين اوى معقوله دى عربيه صينى والصاج بتاعها كده ؟؟؟؟ واظن شوفنا حوادث كتير ليها واخرهم بتاعت دكتور مدحت الادمن معانا كفايه بس ان القوايم بتاعت العربيه متهزتش من مكانها لو عربيه كيا بقى كان زمانها راحت كلها فى داهيه
( الأوبشنز ) :-
العربيه فيها كل الاوبشز ووسائل الرفاهيه اللى ممكن تحتاجها زى البصمه - ستارت اينجين - فتحة سقف - حساسات ركن - كاسيت سى دى - USB - AUX - كمبيوتر فى لوحة العدادات ليه خصائص كتير انا لغايه دلوقتى مش فاهمها كلها ........الخ
بصراحه على الفخامه بتاعت العربيه كانت محتاجه كمان مرايات ضم - بلوتوث - تكيف تاتش - فرش جلد بس دى كماليات رفاهيه زيادة يعنى مش حاجه عن نفسى انا متقبل عربيتى زى ما هى مع العلم ان فيه كاسيت بشاشه بيتباع فى حدود 2900 جنيه فيه بلوتوث وجى بى اس وكل حاجه انت عايزها
( مساحات التخزين ) :-
شايف ان اماكن التخزين فيها كويسه اوى عندك درج التابلوه مساحتها كويسه وكمان تحت درج التابلوه فى مكان تانى تقدر تحط فيه حاجات وعند جراب نظاره فوق كرسى السائق وفى كل بواب فى اماكن تخزين جيده جدا وفى الابواب قدام فيه مكان كمان لازازه ميه وعندك مسند اليد اللى قدام فيه مكانين تخزين الاول لما تفتحه هيظهرلك مكان صغير تحت فيه حاجات خفيفه ولما تفتحه التكه التانيه هتلاقى مكان كويس برده وقدام المسند فيه حامل أكواب ........... بالنسبه لشنطه العربيه فسعة التخزين فيها كويسه برده
( التكيف ) :-
التكيف بتاعها تلاجه الله أكبر فى اعز يوم حر فى الصيف بعمله على 2 وببقى متلج ووقت الحر بليل بعمله على 1 وببقى متلج برده عمرى ما عملت التكيف على 3 حتى
( التقفيل العام ) :-
تقفيل العربيه بجد محترم سواء فى الفينيش الخارجى او الداخلى تحس انهم مهتمين باقل قطعه فى العربيه بس للامانه فى بعض العربيات ممكن تلاقى مثلا باب عشان تقفله لازم ترزعه جامد ده عادى متقلقش فى التوكيل بتروح بيعملك رجلاش ليه وبيظبطه بس مش اكتر وهيبقى تمام ودى بتبقى حالات فرديه مش على الكل
طيب انت عمال تتكلم عن مميزات مميزات يا هندسه ومتكلمتش عن عيوب ؟؟؟
بص يا سيدى العيب الوحيد اللى مضايقنى الصراحه انت طبعا فى الاوتوماتيك بتضغط فرامل وتجيب الفتيس على D وبتشيل رجلك من الفرامل علشان تمشى اهو لما بتشيل رجلك من على الفرامل بسمع زى صوت تزييق بيبقى صوت ملحوظ لما اكون واقف وسط عربيات كتير بس الصوت ده مش بيدل ان فيه مشكله فى العربيه او حاجه يعنى كل اللى عنده الصوت يطمن مفيش حاجه وهتتاقلم عليه مع الوقت وكان رد التوكيل ان العربيه عاليه مع جنط 17 وانظمة فرامل كتير بينتج عنها الصوت ده (ده كلام التوكيل ) بس برده باكد لكل الى عنده الصوت اطمن عادى خالص
ده كان تعليقى الوحيد على العربيه بس عايز انوه على حاجه
العربيه كان فيها مشكلة فى علبه الدركسيون من اول ما نزلت فى 2013 وحتى اوائل 2014 بعدين حلوا المشكله وبقى الباور بتاع العربيه كهربا مش زيت .......فالناس اللى بتقولك دى فيها عيب علبه دركسيون بالدركسيون وعلى دماغه 😂😂😂😂😂😂😂 لان فعلا انا باكد المشكله اتحلت خلاص وللناس الى عايزه تشترى استعمال انصحها تجيب موديل 2015 ده أفضل موديل نزل فيها
ده كده تقيمى الشامل عن عربيتى بعد استخدام اكتر من سنه
الخلاصة :-
العربيه دى محترمه جدا جدا بجد لكل واحد يمتلك تلك السيارة ........انت لازم تفتخر انك من ملاكيقولك دى صينى سيبك منه انا اللى بسوق وانا اللى بستمتع بعربيتى خلى الجهل الى عندهم ينفعهم ما انا كنت راكب عربيه المانى ونزلت لصينى مش هقول اكتر من كده
صحيح العربيه فى اسكندريه منتشره بشكل كبير اوى مفيش شارع بعدى عليه بجد غير لما بلاقى واحده راكنه او ماشيه ..... وقطع غيارها متوفره عندنا برده فى اليكس
انا قولت اقول كل حاجه بما يرضى الله ويارب البوست بتاعى يكون مفيد للجميع
اسف على الاطاله ولو فيه اى استفساء انا تحت أمركم
1 - أوبل فيكترا موديل 98
2- أوبل فيكترا موديل 2003
3 - فولكس فاجن سوران موديل 2009 زيرو
4 - فولكس فاجن باسات موديل 2009 زيرو
طبعا زى ما انتوا شايفين طول عمرى مبركبش غير العربيات الالمانى فقط ........امال ايه اللى خلاك يا بشمهندس تجيب عربيه صينى ؟؟
أولا مش معنى انى نزلت من عربيه المانى لعربيه صينى ان مكنش معايا فلوس حاجه اعلى مثلا منها انا اساسا كنت ناوى على نيسان قاشقاى وقتها كانت ب 220 الف او كيا سبورتاج كنت محتار ما بينهم يعنى فئه سعريه كانت اعلى بكتير من البريليانس وانا شارى العربيه فى شهر 7 سنه 2014 بس العربيه موديل 2015
واحد صاحبى قالى فكر فى البريليانس وبالفعل نزلت وروحت واتفرجت عليها والعربيه ابهرتنى بجد تقريبا كل يوم كنت بنزل اروح المعرض واركبها واتفرج عليها وكنت بعمل سيرش على جوجل واشوف ايه مميزاتها وعيوبها واخد الكلام واقوله للراجل صاحب المعرض واشوف الكلام قدام عينى لغايه لما استقريت انى هجيبها خلاص .......... وبالفعل جبتها وكنت اول واحد يستلم موديل 2015
( الشكل الخارجى ) :-
ديزاين العربيه بجد متصمم باحترافيه يمكن وهو مقتبس من ديزاين بى ام دبليو اكس 1 بس فى نظرى ان العربيه واخده حجم الاكس 3 مع ديزاين الاكس 1 وبالفعل ورغم ان محطوط علامه بريليانس الا بانى الاقى ناس تقولى بكام البى ام دى هههههههههه
( الشكل الداخلى ) :-
تصميم التابلوه جميل اوى وتحس العربيه ملمومه كده وكل حاجه سهله قدامك والطاره فيها شبه من بتاعت فولكس فاجن
( خامات التابلوه ) :-
أجمل ما فى العربيه هى خاماتها بجد وعلشان كده بنقول اللى يقولك دى صينى اى كلام ومش عارف ايه بلاش تفتى الله يكرمك بجد انا مبهور من الخامات بتاعتها ومتقلش عن الكيا سبورتاج مثلا ام 300 الف دلوقتى روح واركب الاتنين بنفسك وشوف يعنى بجد تحس ان العربيه مصروف عليها فعلا ومتصنعه بضمير
وعندك كمان الطاره والفتيس جلد طبيعى بالكامل شغل هاند ميد
( الإنطباع العام أثناء الجلوس ) :-
انت مجرد ما تفتح الباب وتحس بتقله تحس بفخامه العربيه ده وانت لسه بتفتح الباب وبمجرد الجلوس على الكرسى تحس انك قاعد ملك الطريق ومرتاح والجلوس سواء على كرسى السائق او الكنبه ورا مريحه جدا والعربيه اساسا واسعه من جوه يعنى انا طولى 185 ببقى مرجع الكرسى طبعا ورا ومع ذلك جربت اركب ورا كنت مرتاح جدا ........ نسيت اقول ان كرسى السائق ينفع تعدله فى 6 اتجاهات والكرسى اللى جنبك بيتعدل فى 4 اتجاهات
( الأداء ):-
وطبعا زى ما انتوا عارفين ان العربيه موتور مايفك يابانى من ميتسوبيشى 117 هورس باور ادائه على العربيه كويس ....... بس هو فيه حاجه عن نفسى بلاحظ ان سحب العربيه من 0 ل 60 كم/س بيبقى بطىء نوعا ما عن اى عربيه ركبتها قبل كده مش هقول بطه بلدى ولكن للناس اللى بتعشق السرعه على السرعات الاولى تجميعها بطىء شوية عن العربيات التانيه بس انا لاحظت انى لو كبست بنزين جامد العربيه بتجرى الله ينور رغم ان صوت العربيه مبيكونش عالى اوى وانا بضغط جامد بس العربيه بتصعب عليه ههههههههه لانى اساسا من النوع اللى مش بيحب يجرى بالعربيه بس بس عموما فى اى حاله من بع ال60 العربيه تقدر تشد بيها وتجرى وكل حاجه
خلى بالك كمان انا فوق كنت بتكلم وانا ماشى بالعربيه اوتوماتيك وزى ما انتوا عارفين ان الفتيس ستبترونيك ( مانوال و اوتوماتيك ) وكنت قولتلكم ان الفتيس كورى من هيونداى المهم انا لما جربت احول الفتيس لمانوال وامشى بيها حسيت ان العربيه سحبها على السرعات الاولى جميل وكانها عايزه تجرى منى هههههههههههه فكده انا مش شايف ان دى مشكله فى العربيه ومتنسوش فى الأول والاخر ان العربيه اساسا وزنها تقيل ودى ميزه مش عيب
العزل بتاع العربيه كويس اوى كمان
( الثبات والاتزان ) :-
زى ما قولتلكم انا مش من النوع اللى بيجرى رغم انى شاب والمفروض احب السرعه ههههههههههههه ما علينا بس انا اخرى 120 والمره الوحيده اللى زودت عن كده كنت جايب 150 لما سهيت بالصدفه اصل كنت بشد مع واحد على الطريق الدولى وكان غايظنى بس الثبات فى العربيه الله أكبر بجد ما شاء الله تاخد ملفات اى حاجه على سرعه عاليه ولا هتحس بأى حاجه والعربيه دى مشهوره اساسا بالاتزان والثبات بتاعها
( الأمان ) :-
من الحاجات اللى بتميز العربيه دى وسائل الأمان اللى فيها انا بتكلم عن الهاى لاين بتاعتى فيها 4 ايرباج وفرامل ABS+EBD+ASR والفئة اللى قبليها فيها 2 ايرباج بالاضافه لانظمة الفرامل دى...... خلى بالك كمان فيه عربيه اسمها هيونداى كريتا اول فئه عامله 190 الف تخيل انك تدفع المبلغ ده فى عربيه مفيهاش ايرباج واحد ؟؟؟؟؟؟؟؟؟ فى حين ان اقل فئه فى البريليانس مهتمين بالامان فيها 2 ايرباج وفرامل ABS+EBD+ASR الكلام ده مش موجود فى الهيونداى طبعا غير الفئات العاليه اوى
( قوة التحمل ) :-
وهنا هتكلم عن حاجتين :-
- الصاج : وعايز اقول ان العربيه الصاج بتاعها جاى من بى ام دبليو نفسها وعلشان كده هتلاحظوا مدى سمك الصاج بتاعها بسم الله ما شاء الله الله أكبر يعنى الصاج بتاعها مش موجود فى اى عربيه يابانى او كورى مش هتلاقيه غير فى العربيات الالمانى بس وكل الصنايعيه لما تروحلهم يبقوا مستغربين اوى معقوله دى عربيه صينى والصاج بتاعها كده ؟؟؟؟ واظن شوفنا حوادث كتير ليها واخرهم بتاعت دكتور مدحت الادمن معانا كفايه بس ان القوايم بتاعت العربيه متهزتش من مكانها لو عربيه كيا بقى كان زمانها راحت كلها فى داهيه
( الأوبشنز ) :-
العربيه فيها كل الاوبشز ووسائل الرفاهيه اللى ممكن تحتاجها زى البصمه - ستارت اينجين - فتحة سقف - حساسات ركن - كاسيت سى دى - USB - AUX - كمبيوتر فى لوحة العدادات ليه خصائص كتير انا لغايه دلوقتى مش فاهمها كلها ........الخ
بصراحه على الفخامه بتاعت العربيه كانت محتاجه كمان مرايات ضم - بلوتوث - تكيف تاتش - فرش جلد بس دى كماليات رفاهيه زيادة يعنى مش حاجه عن نفسى انا متقبل عربيتى زى ما هى مع العلم ان فيه كاسيت بشاشه بيتباع فى حدود 2900 جنيه فيه بلوتوث وجى بى اس وكل حاجه انت عايزها
( مساحات التخزين ) :-
شايف ان اماكن التخزين فيها كويسه اوى عندك درج التابلوه مساحتها كويسه وكمان تحت درج التابلوه فى مكان تانى تقدر تحط فيه حاجات وعند جراب نظاره فوق كرسى السائق وفى كل بواب فى اماكن تخزين جيده جدا وفى الابواب قدام فيه مكان كمان لازازه ميه وعندك مسند اليد اللى قدام فيه مكانين تخزين الاول لما تفتحه هيظهرلك مكان صغير تحت فيه حاجات خفيفه ولما تفتحه التكه التانيه هتلاقى مكان كويس برده وقدام المسند فيه حامل أكواب ........... بالنسبه لشنطه العربيه فسعة التخزين فيها كويسه برده
( التكيف ) :-
التكيف بتاعها تلاجه الله أكبر فى اعز يوم حر فى الصيف بعمله على 2 وببقى متلج ووقت الحر بليل بعمله على 1 وببقى متلج برده عمرى ما عملت التكيف على 3 حتى
( التقفيل العام ) :-
تقفيل العربيه بجد محترم سواء فى الفينيش الخارجى او الداخلى تحس انهم مهتمين باقل قطعه فى العربيه بس للامانه فى بعض العربيات ممكن تلاقى مثلا باب عشان تقفله لازم ترزعه جامد ده عادى متقلقش فى التوكيل بتروح بيعملك رجلاش ليه وبيظبطه بس مش اكتر وهيبقى تمام ودى بتبقى حالات فرديه مش على الكل
طيب انت عمال تتكلم عن مميزات مميزات يا هندسه ومتكلمتش عن عيوب ؟؟؟
بص يا سيدى العيب الوحيد اللى مضايقنى الصراحه انت طبعا فى الاوتوماتيك بتضغط فرامل وتجيب الفتيس على D وبتشيل رجلك من الفرامل علشان تمشى اهو لما بتشيل رجلك من على الفرامل بسمع زى صوت تزييق بيبقى صوت ملحوظ لما اكون واقف وسط عربيات كتير بس الصوت ده مش بيدل ان فيه مشكله فى العربيه او حاجه يعنى كل اللى عنده الصوت يطمن مفيش حاجه وهتتاقلم عليه مع الوقت وكان رد التوكيل ان العربيه عاليه مع جنط 17 وانظمة فرامل كتير بينتج عنها الصوت ده (ده كلام التوكيل ) بس برده باكد لكل الى عنده الصوت اطمن عادى خالص
ده كان تعليقى الوحيد على العربيه بس عايز انوه على حاجه
العربيه كان فيها مشكلة فى علبه الدركسيون من اول ما نزلت فى 2013 وحتى اوائل 2014 بعدين حلوا المشكله وبقى الباور بتاع العربيه كهربا مش زيت .......فالناس اللى بتقولك دى فيها عيب علبه دركسيون بالدركسيون وعلى دماغه 😂😂😂😂😂😂😂 لان فعلا انا باكد المشكله اتحلت خلاص وللناس الى عايزه تشترى استعمال انصحها تجيب موديل 2015 ده أفضل موديل نزل فيها
ده كده تقيمى الشامل عن عربيتى بعد استخدام اكتر من سنه
الخلاصة :-
العربيه دى محترمه جدا جدا بجد لكل واحد يمتلك تلك السيارة ........انت لازم تفتخر انك من ملاكيقولك دى صينى سيبك منه انا اللى بسوق وانا اللى بستمتع بعربيتى خلى الجهل الى عندهم ينفعهم ما انا كنت راكب عربيه المانى ونزلت لصينى مش هقول اكتر من كده
صحيح العربيه فى اسكندريه منتشره بشكل كبير اوى مفيش شارع بعدى عليه بجد غير لما بلاقى واحده راكنه او ماشيه ..... وقطع غيارها متوفره عندنا برده فى اليكس
انا قولت اقول كل حاجه بما يرضى الله ويارب البوست بتاعى يكون مفيد للجميع
اسف على الاطاله ولو فيه اى استفساء انا تحت أمركم
