هتكلم ابتداءً من مو 2012 لحد 2015 عشان أوجه التشابه اللي بتلخبط الناس..
من أول 2012 لحد 2014
- العدادات بقت كدة (شكل 1)
- لون الأبنوس بقى أفتح شوية كدة (شكل 8)
- الجنط بقى كدة (شكل 9)
- وطبعاً موتور ميتسوبيشي 1600cc زي ده (شكل 4)
- والفتيس المانيوال متسوبيشي صيني عصايته شكلها كدة (شكل 6)
- والأوتوماتيك جاتكو ياباني عصايته شكلها كدة (شكل 7)
- تقفيل مصري (ملوش شكل )
العربية الأوتوماتيك اسمها Glxi وهي نفس تجهيز المانيوال Gli ولكن تزيد عليها بـ (فتحة سقف، بارك سنسور، طارة مالتي، نور صالون أمامي فوق مرآة الصالون) وتقدر تميزها في الشارع بسهولة بفتحة السقف والزعنفة اللي في آخر السقف. (شكل 2)
ودي أغلى عربية F3 بسبب الفتيس والتجهيزات الزيادة (كانت بحوالي 92 ألف ج)
على نصف 2013 نزل موديل تالت مانيوال Gli (ترخيصه 2013).. هو هو نفس المانيوال Gli لكن بفروق جوهرية مثل:
- الموتور Byd 1500cc بتقنية هوندا (شكل 3)
- مفيش آيرباجز
- جنط الاستبن حديد
- تقريباً مفيهاش ABS
- تقفيل الصين
- وبنفس سعر المانيوال Gli الـ 1600cc (التقفيل المصري)
بعدها على طول شركة الأمل نزلت المانيوال Gli (مو 2014برضه و2015) بس تقفيل مصري بموتور Byd تقنية هوندا 1500، آيرباجز، جنط سبور
ثم نزلت الأوتوماتيك ستبترونيك (مو 2015) بالمواصفات دي
- موتور Byd 1500cc بتقنية هوندا (شكل 3)
فتيس Automatic steptronic (شكل 5)
- جنط سبور (شكل 9)
- آيرباجز
- تقفيل مصري
- مفيش فتحة سقف، مفيش طارة مالتي، وتقريباً مفيش بارك سنسور.
طيب.. انت لو رحت تشتري دلوقتي زيرو هتلاقي إيه؟؟؟؟؟
مش هتلاقي أصلاً غير آخر اتنين دول إما مانيوال أو أوتوماتيك ستبترونيك.. بموتور Byd 1500cc...
ولو لقيت اللي فيها موتور 1600 ميتسوبيشي زيرو؛ هتلاقيها في معرض يكون مخزنها من فترة (مسقعها) وهيطلب فيها أوفر برايس (زيادة سعر) عالي جداً بيوصل لـ 10 آلاف جنيه عشان نادرة جداً في السوق وهي اللي متجربة وجابت السمعة للماركة دي أصلاً. (مثال: الأوتوماتيك 1600 سعرها 92 بتتباع - لو لقيتها بـ 104 ألف)
حتى كسر الزيرو بتاعها - سواء مانيوال أو أوتوماتيك - دلوقتي سعره بينافس الزيرو الـ 1500 بسبب فرق الموتور القديم المتجرب المعتمد عليه من الجديد اللي لسة نازل السوق والناس بتختبره هيعمل إيه
شكر خاص للزميل محمود حنفى
