النار اللي بتطلع من الشكمان

الموضوع ده كان مجال لإفتاء ناس كتير منهم اللي يقولك دي المكنة بايظة ومنهم اللي يقولك ده بيولع الشكمان بالنار .. إحنا بقي كناس فاهمة وعاقلة هنتكلم علي سبب خروج النار دي من الشكمان وهي حاجة أسمها "الباك فاير".
الباك فاير : Back fire

هو عبارة عن جهاز كل وظيفته إنه يطلع نار والجهاز ده بيركب بالتوصيل مع موبينة العربية اللي كنا أتكلمنا عنها قبل كدة وقولنا إنها أم الكهربا في العربية كلها وهي المسئوله عن كهربة المكنة كلها الل ي هي (الضفيره).


من عيوب الجهاز ده إستهلاكه للبنزين نوعاّ ما لأنه بيعتمد علي خروج بنزين غير كامل الإحتراق ولازم عشان تركبه يكون عندك علبة ديفل اللي عي العلبة الكبير دي ومن عيوب الباك فاير برضو إنه لما بيشتغل ويطلع نار بيحرق الإكصدام الخلفي بتاع العربية أو بالأخص الجزء اللي بيبقي فوقه علي طول.

والجهاز فكرته إنه بيطلع نار مع اّخر الغيار مع الحرق عليه وممكن عشان راحتك تروح لكهربائي وتعمل لوحة تحكم ليه في الطابلوه بحيث تتحكم في تشغيله أو وقوفه.

بالنسبة لسعره بيبدأ من 800 أو 850 تقريباّ عشان أكيد السعر مش ثابت في كل الأماكن.
أعرف عربيتك صح - E3rf 3rbytk Sa7