بواسطة : دكتور خالد الوراق
السلام عليكم
كنت قلتلكم انتظروني بركب عتب للعربية
الموضوع بدأ اني لقيت العربية عتبها مكشوف بشكل وحش وقلقني خصوصا اني كان
معايا قبل كدة سيراتو وخبطت عتبها مرتين وكان شكلها وحش جدا ولما جيت
ابيعها كان اللي يشوفها يقولي العتب مخبوط مع انها كانت حالة واستعمالها
كان خفيف وبايعها شبه جديدة
وخصوصا بعد ما احد الزملاء الاعضاء خبط العتبة بتاعته وكمان العربية شكلها رياضي والاكصدامات بتاعتها تحفة ونازلة فقلت لازم اكمل الشكل الرياضي بتاعها وفي نفس الوقت احمي العتب الصاج بعتب فيبر عشان لو اتخبط الفيبر يتكسر ويحافظ ع الصاج.
اولا العتب اخترته بسيط جدا وهو بتاع الالنترا او الاكسنت ار بي مع تعديل بسيط ورحت لمصنع فايبر عندنا ف المنوفية صبهولي وركبه
رحتله قبلها بيوم اختارت الشكل وخد المقاس وتاني يوم ركبته ولما رحت لقيته واخد المقاس غلط وكان بزيادة فقطع منه حته ولحمها وده اللي اخرني شوية.
بالنسبة للتركيب تم التثبيت بمادة عاملة زي المعجون ومسامير شك اربع
مسامير فى كل جنب وبالمناسبة الموضوع ده مش مقلق لان لو حبيت تشيلها مكان
المسامير اخرام صغيرة جدا مش هتبان وتتملى سيليكون عشان ما تدخلش مية بس.
نيجي للتكلفة الاتنين بالتركيب 250جنيه.
نيجي للدهان رحت لواحد حبيبي بتعامل معاه على طول اول ما شاف الدهان وبص عليه صدمني بالسعر بصراحة وقالى المشكلة ان خامته غالية جدا ولازم يترش فرن عشان الدهان ده بري لو حد فتح كشاف الموبايل على الدهان هيلاقي نقط صغيرة بتلمع وقالي تضريب اللون لوحده مشكلة لان البري ده اي حاجة غلط بتطلع لمعة مختلفة وبالمناسبة كود اللون متسجل على قايم الباب اليمين تحت كدة والحمد لله العتب اترش وشكله طلع حكاية وتكلفة الرش كانت 550 جنيه مع ان لما رحتله كان عنده ار بي بترش نفس العتب قاللي دي برشها ب 400 جنيه لان خامة الدهان بتاعتها رخيصة ومش محتاجة فرن.
واخيرا نشوف الصور هبدا بالعتب قبل ما يترش وبعد نص ساعة هرفع الصور بعد الرش ( معلش استلمتها بالليل ما لحقتش اصور )
كنت قلتلكم انتظروني بركب عتب للعربية
وخصوصا بعد ما احد الزملاء الاعضاء خبط العتبة بتاعته وكمان العربية شكلها رياضي والاكصدامات بتاعتها تحفة ونازلة فقلت لازم اكمل الشكل الرياضي بتاعها وفي نفس الوقت احمي العتب الصاج بعتب فيبر عشان لو اتخبط الفيبر يتكسر ويحافظ ع الصاج.
اولا العتب اخترته بسيط جدا وهو بتاع الالنترا او الاكسنت ار بي مع تعديل بسيط ورحت لمصنع فايبر عندنا ف المنوفية صبهولي وركبه
رحتله قبلها بيوم اختارت الشكل وخد المقاس وتاني يوم ركبته ولما رحت لقيته واخد المقاس غلط وكان بزيادة فقطع منه حته ولحمها وده اللي اخرني شوية.
نيجي للتكلفة الاتنين بالتركيب 250جنيه.
نيجي للدهان رحت لواحد حبيبي بتعامل معاه على طول اول ما شاف الدهان وبص عليه صدمني بالسعر بصراحة وقالى المشكلة ان خامته غالية جدا ولازم يترش فرن عشان الدهان ده بري لو حد فتح كشاف الموبايل على الدهان هيلاقي نقط صغيرة بتلمع وقالي تضريب اللون لوحده مشكلة لان البري ده اي حاجة غلط بتطلع لمعة مختلفة وبالمناسبة كود اللون متسجل على قايم الباب اليمين تحت كدة والحمد لله العتب اترش وشكله طلع حكاية وتكلفة الرش كانت 550 جنيه مع ان لما رحتله كان عنده ار بي بترش نفس العتب قاللي دي برشها ب 400 جنيه لان خامة الدهان بتاعتها رخيصة ومش محتاجة فرن.
واخيرا نشوف الصور هبدا بالعتب قبل ما يترش وبعد نص ساعة هرفع الصور بعد الرش ( معلش استلمتها بالليل ما لحقتش اصور )
