انا اشتريت السنترا الهاي لاين من اكتر من شهرين و كان سعرها 161.000
هاشارك الناس رأيي بعد التجربة ويشرفني ارد علي استفسارتكم
هاشارك الناس رأيي بعد التجربة ويشرفني ارد علي استفسارتكم
- عربية ممتازة - ياباني تقفيل تايلاندي و هتتقفل في مصر قريب و سعرها هينزل
- ناعمة و عفشة كويسة و تكييف تلاجة كعادة الياباني
- ثبات لحد سرعة 200 كم علي الطريق - ده اللي جربناه
- توفير في البنزين خاصة علي الطرق السريعة بفضل الفتيس ال XTRONIC CVT
- موتور قوي 118 حصان عند لفات موتور 5600
- عزل ممتاز و مريحة جدا في السواقة
- فخامة في الشكل و واسعة من جوه
- العربية معروفة من التمانينات في العالم و مشهورة في الخليج
بعد الملاحظات: العربية ابتدت تنتشر و ناس كتير استلموا و بيزيدو للثقة في النيسان و انا كان معاي صني 2008 و عمرها ما عملتها معاي
- ينقصها تكييف توتش و DVD زي ما بتنزل بره
- بتنزل 2 فئة SL baseline و SV highline
الhighline فيها زيادة:
مصابيح فوج
مصابيح LED امامية
جنوط اسبور 16 بوصة
انوار اشارات في المرايات الجانبية
دركسيون جلد
تحكم في الصوت من الدركسيون
مفتاح ذكي Keyless entry
مساند للذراع في الكنبة الخلفية
4 سماعات
سبويلر خلفي
باركينج سنسور Parking sensor
- مفيهاش اوبشنز كتيرة زي باقي العربيات
- الفرش بيج (و البعض بيببقي رصاصي) زي الشمواه و راقي جدا و لازم تجيبله فرش بسرعة
- قطع الغيار لسه مش منتشرة في التوكيل بس عشان لسه العربية جديدة
