إزاى تحافظ على فرش السيارة الجديدة

إزاى أحافظ على فرش السيارة الجديدة من أول ما أشتريها :
1 - غالبا الواحد أول لما بيشترى العربيه بيوديها للسروجى إللى علطول يروح مركب كسوه للكراسى علشان متأكدين إننا هنقطع الكراسى اللى بنقعد عليها .

2 - منظفات التابلوه بتختلف لإن فى تابلوه جلد وفى بلاستيك و .... إلخ .
3 - بما إن حضرتك من مصر فمش لازم وانت ماشى تفتح الزجاج لحد الأخر كفاية جزء صغير أو الأفضل إقفل الزجاج خالص وشغل التكييف .
4 - طقم الدواسات ينظف بإستمرار لإن من كثرة التراب بينزل تحتيه .
5 - ياريت جرابين حلوين كده لطارة الدركسيون وعصاية الفتيس لإن عرق اليدين بيمسح معالمهم .

6 - علبة مناديل للطوارئ وفواحه برده للـــــ.... طوارئ ربما يكون معاك أطفال وللا حاجه .
7 - بلاش ترمى كل حاجه بره العربيه وتبهدل منظر الشارع اكتر مهو متبهدل .. كل باب للسيارة فيه مكان كبير تحط فيه اللى حضرتك عاوزه ولما توصل الشغل او البيت او اى مشوار حط الحاجات دى كلها فى كيس وفى أى باسكت وإديلوا .
8 - آخر حاجه لو مش هتعرف تعمل الكلام ده كله يفضل تبيع العربيه أحسن بدل ما إللى يركبوا معاك يدعوا عليك ...