بواسطة : أحمد شفيق التونسى
في الاول كده بسم الله الرحمن الرحيم , خلينا متفقين آن الـبريليانس عمومـا احسن من عربيـات كتير في نفس سـعرهـا بس اللي مبهدل سعرهـا حـاجتين :
1- التوكيل اللي مش مهتم بالعربية لو حطينـا في المقـارنة توكيل غبـور و اللي عاملة مع الجيـلي هنلاقي ان في فترة قصـيرة جدا بالمقارنة بالفترة اللي بريليانس موجودة فيهـا , عملت شعبية عالية جدا وبقي في طـلب عليها مع ان العربية فيها عيوب كتــير بس دة المعروف عن غبـور .
طـيب لو حطينـا بريليانس في مقارنة ما بين الفيـرنا ( و المقارنة دي بعيداً عن الموتور ودة الناتج عنه وزن العربية مش كفائة الموتور هي اللي عالية . ) هنلاحظ الاتي :-
الصـاج في صالح بريليانس
الثبات في صالح بريليانس
عوامل الامان التي تكاد ان تكون معدومة في الفيرنا في صالح البريليانس
الفرامل في صالح البريليانس
الوسع الداخلي في صالح بريليانس
الفخامة و الخامات و الشكل كل دة في صالح بريليانس .
لو هنمشيها مقارنات فانا ممكن اقولك انواع كتير بريليانس احسن منها سواء كانت لوجان , آفيـو , او غيرهما .
[#] طيب دلوقتي هتكلم عن عدة نقـاط .
- في الاول انا عايز اقول حاجة هتحافظ علي عربيتك و تصونها هتصونك , هتبهدلها و مش هتعتني بيها هتقرفك في عيشتك ودة لآي عربية , و حالات العربية المستعملة بتفرق في السـعر و في الراحة مستقبلآ .
- انت كمالك لبريليانس ايه اللي تاعبك في عربيتك ؟
لو دققنا كده هنلاقيها حاجات بسيطة و مفيش عـربية خالية من العيـوب
انا عايز كلنـا نتفق ان العربية تستاهل آنها متترميش بسعـر قليل , عايز نتفق آنها احسن من حاجات كتـير , عايز نتفق ان اي حد فينا يحب يبيع ميقولش احط سعر قليل و ارميها بسعر قليل عشان تتباع بسرعة وعشان دي عربية صيني .
انا صحيح مكنتش موجود ايـام العربيات الكوري مانزلت زمان بس بالرجوع بالزمن شوية كده و سـالت نـاس كتير كبيرة وليها خبرة في العربيات آكدولي تمـاما ان اول ما الكوري نـزل كانت الناس بتقول لا دة كوري مش كويس لا دة وحش لا ملوش قطع غيـار , نفس فكرة الصيني دلوقتي , الصين بلد جميل يا جدعان
يا ريت كلنـا ناخد موقف من موضوع الاسعار وانا و الادمنز هنبقي ننزل بوست فيه متوسط السـعر اللي السوق المفروض يمشي عليـه و نبدءا بنفسنا هنلاقي تغير ملحوظ في السوق و الاسعار خصوصا إني متاكد إن اسعار الجديد هتزيد ما يقارب من 8 لـ 12 آلف .
