بسم الله الرحمن الرحيم
تم بحمد الله امبارح تجربة السيارة تجربة كاملة بنجاح
طريق المنصورة جمصة والطريق الساحلى المفتوح
طريقين الاول كله مطبات وحفر وملفات صعبة جدا والتانى طريق مفتوح جدا
تم تجربة كل شئ فى العربية كانت محملة كامل العدد كامل كمية الشنطة
اولا العفشة فى المكسرو المطبات جيدة جدا
ثانيا السحب مع التكييف ممتاز جدا
ثالثا السحب بدون تكييف الخامس ممتاز السادس ده حدث ولا حرج مشاء الله انسى حد يجيبك وتم القضاء بحمد الله فى الشد على اوكتافيا وعلى تيويتا كرولا اكتر من مرة تسخين وشد جامد على الطريق
رابعا الثبات ممتاز على السرعات تم تجربته
خامسا : الثبات فى المنحنيات تم تجربته بالخاصية الموجودة الثبات فى المنحنيات ومانع الانزلاق ثبات محترم وعدم انحراف وتحك فى الملفات الخطر جدا دوران تقريبا 180 درجة واكتر على سرعة 100 ممتاز
استهلاك البنزين طبعا بتفرق من رجل لرجل انا رجلى للسف تقيلة شوية على البنزين لكن تقريبا انا عامل 920 كيلو بحوالى 80 لتر نصهم جوة البلد مع التكييف وسفر مع التكييف ودا انا شايفه كويس جدا صراحة
سادسا الفرامل ممتازة جدا لدرجة انك مش محتاج توصل لل ABS
سابعا واخيرا العربية مشاء الله تصميمها جميل جدا وشيك جدا وملفتة جدا خصوصا اللون بتاعى بتجذب الانظار ليها خصوصا اصحاب عربيات الهونداى IX والكيا السبورتاج والكارينز وبيحاولو على الطريق انهم يتحدوك كتير
الى ناوى يشترى العربية ومتردد العربية والله مشاء الله جميلة جدا ومناسبة جدا لسعرها وانا شايف ان الفترة الجاية هتسمع جامد وهيرتفع سعرها عن كده
