بسم الله الرحمن الرحيم
بواسطة
Wael Nour
الآن و بعد طول إنتظار تقرير السنة الاولى مع كروس
- سنة و شهر و 17000 ك مع العربية ودى ملاحظاتى بدون ترتيب:
- شكلها لسة ملفت
و ناس كتير بتسألنى عليها
- العربية تعتبر ¼ نقل بعد ما تتنى الكنبة الخلفية بالكامل اتحداك تلاقى عربية فى حجمها تشيل الحاجات اللى ممكن تشيلها الكروس
- الدريكسوين و الملفات ناعمة و قطرالدوران ممتاز
- العربية عربية طريق و سفر أكتر من انها عربية مدينة بتحس كدة انها فايقة على الطريق أكتر
- باور الدريكسيون بيفصل بعد أكتر 30 ثانية و ممكن تلحق تعدل وضع الكاوتش برضو
- الكهرباء بتفصل عن الزجاج بعد 30 ثانة و ممكن تلحق ترفع او تنزل زجاج
- إشارة ريموت العربية بتتأثر ببعض الإشارات اللاسلكية زى ابراج تقوية الاذاعة و التلفزيون و بالتالى بتعلق او متشتغلش
- الكاسيت نص نص – بس بفكر اركب سماعات محترمة يمكن تظبط الأداء
- صاج العربية و دهانها ممتاز بالمقارة بعربيات تانية زى الافيو و السانديرو العربيات دى صاجها بيبقى زى ميكون مقفع من خفته و دهانها و لونها بيروح مع الوقت لكن الكروس محترمة فى ده جدا
- العربية بتاخد 4 ك زيت مش 3 و لا 3.5
- العربية مستمرة فى استهلاك البنزين بشكل كويس فى حدود 8 ليتر لكل 100 كيلو
- لسة مالمستش اى مطب مع انى نزلت بيها قرى و نجوع و طلعت عين ابوها
- السحب كويس و مع التكييف كمان و العربية بتحس بيك و بتلحقك و بتنجدك لما بتحتاجها
- التكييف ممتاز بعد صيف فى الاقصر و العزل ممتاز
- العربية مريحة فى مجال الرؤية و الارتفاع بتاعها و افضل و اريح من عربيات غالية زى الكيا سبورتاج مثلا متحسش انك مرتاح فى الرؤية زى الكروس و كمان فى نور الفوانيس الامامية
- الفرامل بجد اى بى اس مش زى الفرامل اللى فى الاميجراند بتكسج و تتزحلق على الارض فرامل بتلحقك وقت ما تحتاجها
- الكاوتش افضل ضبط ليه 30 نيتروجين فى العادى و يزيد ل 32 خلفى لو حمولة كاملة
- مركز الصيانة بعد الاستقبال المحترم فى اول صيانة لما جيت عند صيانة 10000 اتصلت بيهم و طلبت انى اعمل شوية حاجات زى تركيب أنذار و تظبيط ماكينة الزجاج الخلفى – لقيت ردود جافة و انهم مش بيركبوا انزارات و ركبه برا و حاجات كدة قفلتنى منهم و عملت الصيانة برا و مروحتش ليهم تانى
- اسوأ حاجة فى العربية هى العفشة – هى مش سيئة اوى لكن مع الناس اللى مبتحبش تسمع اى صوت فى العربية مش هتكون مبسوطة خصوصا فى الشوارع المدقدقة و على السرعات البطيئة جدا بتحس بتخبيط و شخللة و على الرغم من تربيط العفشة بالكامل و تربيط التابلوه الا ان الاصوات بتقل بس مش بتروح و ده على السرعة القليلة فقط لكن العربية فى السريع ملهاش صوت و ثابتة جدا جدا
- قابلتنى مشكلتين صغيرين :
- الاولى ان واحد رزع الباب اللى جنبى رزعة جامدة اوى اثرت على قفل الباب و أثرت على مقبض الباب
حليت المشكلة ببساطة بنفسى باستخدام مفك نجمة رقم 18 و اللى عن طريقه تقدر تحل كل مشاكل ابواب العربية و تريحها ( مرفق صورة )
- الثانية : الزجاج الخلفى اللى بيرفع اول واحد فى وحدة الرفع بقى فيه صوت و هو بيرفع و كمان بيخبط فى الاخر
قالولى ان الماكينة بتكون اقوى على اول زجاج بيرفع و ان الاجزاء الداخلية فيها بلاستيك كتير و بتتآكل مع الاستخدام و ان ده بيحصل فى اغلب العربيات و بيتغير لما بينتهى عادى
بواسطة
Wael Nour
- العربية تعتبر ¼ نقل بعد ما تتنى الكنبة الخلفية بالكامل اتحداك تلاقى عربية فى حجمها تشيل الحاجات اللى ممكن تشيلها الكروس
- الدريكسوين و الملفات ناعمة و قطرالدوران ممتاز
- العربية عربية طريق و سفر أكتر من انها عربية مدينة بتحس كدة انها فايقة على الطريق أكتر
- باور الدريكسيون بيفصل بعد أكتر 30 ثانية و ممكن تلحق تعدل وضع الكاوتش برضو
- الكهرباء بتفصل عن الزجاج بعد 30 ثانة و ممكن تلحق ترفع او تنزل زجاج
- الكاسيت نص نص – بس بفكر اركب سماعات محترمة يمكن تظبط الأداء
- صاج العربية و دهانها ممتاز بالمقارة بعربيات تانية زى الافيو و السانديرو العربيات دى صاجها بيبقى زى ميكون مقفع من خفته و دهانها و لونها بيروح مع الوقت لكن الكروس محترمة فى ده جدا
- العربية بتاخد 4 ك زيت مش 3 و لا 3.5
- العربية مستمرة فى استهلاك البنزين بشكل كويس فى حدود 8 ليتر لكل 100 كيلو
- لسة مالمستش اى مطب مع انى نزلت بيها قرى و نجوع و طلعت عين ابوها
- السحب كويس و مع التكييف كمان و العربية بتحس بيك و بتلحقك و بتنجدك لما بتحتاجها
- التكييف ممتاز بعد صيف فى الاقصر و العزل ممتاز
- العربية مريحة فى مجال الرؤية و الارتفاع بتاعها و افضل و اريح من عربيات غالية زى الكيا سبورتاج مثلا متحسش انك مرتاح فى الرؤية زى الكروس و كمان فى نور الفوانيس الامامية
- الفرامل بجد اى بى اس مش زى الفرامل اللى فى الاميجراند بتكسج و تتزحلق على الارض فرامل بتلحقك وقت ما تحتاجها
- الكاوتش افضل ضبط ليه 30 نيتروجين فى العادى و يزيد ل 32 خلفى لو حمولة كاملة
- مركز الصيانة بعد الاستقبال المحترم فى اول صيانة لما جيت عند صيانة 10000 اتصلت بيهم و طلبت انى اعمل شوية حاجات زى تركيب أنذار و تظبيط ماكينة الزجاج الخلفى – لقيت ردود جافة و انهم مش بيركبوا انزارات و ركبه برا و حاجات كدة قفلتنى منهم و عملت الصيانة برا و مروحتش ليهم تانى
- اسوأ حاجة فى العربية هى العفشة – هى مش سيئة اوى لكن مع الناس اللى مبتحبش تسمع اى صوت فى العربية مش هتكون مبسوطة خصوصا فى الشوارع المدقدقة و على السرعات البطيئة جدا بتحس بتخبيط و شخللة و على الرغم من تربيط العفشة بالكامل و تربيط التابلوه الا ان الاصوات بتقل بس مش بتروح و ده على السرعة القليلة فقط لكن العربية فى السريع ملهاش صوت و ثابتة جدا جدا
- قابلتنى مشكلتين صغيرين :
- الاولى ان واحد رزع الباب اللى جنبى رزعة جامدة اوى اثرت على قفل الباب و أثرت على مقبض الباب
حليت المشكلة ببساطة بنفسى باستخدام مفك نجمة رقم 18 و اللى عن طريقه تقدر تحل كل مشاكل ابواب العربية و تريحها ( مرفق صورة )
- الثانية : الزجاج الخلفى اللى بيرفع اول واحد فى وحدة الرفع بقى فيه صوت و هو بيرفع و كمان بيخبط فى الاخر
قالولى ان الماكينة بتكون اقوى على اول زجاج بيرفع و ان الاجزاء الداخلية فيها بلاستيك كتير و بتتآكل مع الاستخدام و ان ده بيحصل فى اغلب العربيات و بيتغير لما بينتهى عادى
