نصائح هامة للمقبلين على الشراء عند استلام الشنجان cs35 :
الف مبروك أولاً
1.جرب الكرسي و حركه في كل الاتجاهات فوق و تحت و قدام و ورا
2. جرب الكاسيت بفلاشه و سي دي
3. جرب الأنوار كلها عالي و واطي و فوجات اماميه و خلفيه و الأنوار الداخليه و مؤشر تعلية و توطية العدسات هتلاقيه تحت زراير المرايات
4. جرب فتحة السقف
5. جرب المرايات و الضم
6. جرب التكييف انه شغال بس لأن أداءه مش هتقدر تحكم عليه في الاول
7. جرب الأبواب كلها انها بتقفل و تفتح بسهوله و مش بتعلق
8. لف حوالين العربيه لفه كامله عشان تتأكد أن مفيش خبطات ولا خرابيش و شيل اللزق لأن ممكن يكون مداري حاجه و يفضل تستلم بالنهار لرؤية أفضل
9. اتأكد أن المساحات شغاله و من مية المساحات و الزيت بتاع الماتور و الفرامل
10. اتأكد من أن الزجاج كله بيفتح ويقفل بسهوله و مش بيعلق و لا فيه صوت غريب
11. اتأكد من وجود شنطة العده والاستبن في شنطة العربيه و بالمره أن الشنطه بتفتح و تقفل بسهوله
12. اتأكد أنك استلمت مفتاحين برموتين و اتأكد أن كل الزرازير شغاله وخد بالك زرار الشنطه ما بيفتحش الشنطه إلا لما تفضل دايس حوالي 10 ثواني
13. اتأكد من أن كمبيوتر العربيه شغال مع قفل و فتح أي باب و مع أحزمة الأمان و بالمره خد بالك من قراية الكيلومترات يفضل ماتعديش 100 كيلو
14. اتأكد من وجود الولاعه و أنها شغاله و اتأكد من وجود الطفايه
15. متنساش الهدايا و دي بتختلف من معرض للتاني نقلا عن : نادى سيارات شانجان
