هنتكلم إنهاردة عن حاجة مهمة جداّ وهي دور "بيض الدركسيون و بيض المقصات
" يمكن ناس كتير سمعت الألفاظ دي من الميكانيكية في الحرفيين أو لما
بتروح تكشف علي العربية ويقولك العربية محتاجة تغير بيض مقصات أو جلبة إلخ
.. !! دي علي فكرة منظومة كاملة متكاملة ومفيش حاجة فيها أهم من التانية
طب ما نيجي نتعرف عليهم وأهو بالمرة اللي اللي ميعرفش إيه الحاجات دي يعرف
معانا دورها إه في العربي
العلاقة بين أجزاء العفشة اللي هي
الجزء السفلي من العربية تعتبر علاقة مهمة جداّ وأنا عن نفسي بعتبر عشفة
العربية أهم من المكنة ذات نفسها لأن العفشة هي اللي بيبقي عليها حمل كل
حاجة في العربية بما فيها المكنة وشاسيه العربية ووزن كل شخص بيركب في
العربية .. بس السؤال هنا بقي هو إزاي إحنا بنقدر نلف العربية في أي أتجاه
أياّ كان وتعمل دريفتات بالنسبة لأبطال الدريفت مثلاّ وكل ده من غير ما
تسند بإيدك علي الأرض مثلاّ يعني أو من غير مساعدة خارجية :-
لأ ده العربية بتساعد نفسها بنفسها عن طريق منظومة هندسية كاملة وعالية الدقة جداّ ومبدئياّ كدة وللعلم بالشئ الأسم العلمي لبيض العربيات عامة هو Ball Joints يعني الوصلات الكروية ونظراّ إلي أن الميكانيكية بيسموا أي جزء في العربية تبعاّ لشكله فا إتسمت الوصلات دي بالبيض عشان شبه البيض فعلاّ في شكلها ..
طيب إيه هي بقي وظيفة البيض ده في العربية ؟!
أه صحيح قبل ما نشرح أو نتكلم في أي حاجة الموضوع سهل جداّ جداّ بس محتاج تخيل شوية عشان يتفهم بس !!
أولاّ بيض الدركسيون ده بيبقي موجود في نهاية جزء أسمه إتياش الدركسيون والإتياش دي بتبقي متصلة بالركبة الأمامية في العربية من تحت عشان تكمل عملية التوجيه يمين و شمال لأن طول ما أنت ماشي مستقيم بالعربية مفيش مشكلة طب المشكلة بقي لما تيجي تلف يمين أو شمال هتعمل إيه ؟! هو ده بقي دور بيض الدركسيون إنه بيساعد علي عملية توجيه العربية في أي أتجاه و نقل الحركة من إتياش الدركسيون للركب الأمامية وبكدة نقدر نقول إن أنتهي دور بيض الدركسيون
طب دور بيض المقصات هيبدأ بقي أزاي ؟! دلوقتي الركب الأمامية دي متصلة بالشاسيه بتاع العربية عن طرق المقصات اللي بتثبتها بإحكام شديد جداّ طب دلوقتي الحركة أتنقلت خلاص من إتياش الدركسيون للركب الأمامية مين بقي اللي هينقل نفس الحركة دي من الركب الأمامية للشاسيه ؟! هو ده بقي بالظبط دور المقصات أو بالأخص دور بيض المقصات إنها تنقل الحركة من حاجة لحاجة وبكدة بتتم حركة دوران العربية في أي أتجاه
طبعا زي ما قولنا دي منظومة هندسية كاملة و عالية الدقة و بتتم في أقل من جزء من ثانية
الصور الموضحة تحت دي علي قد ما قدرنا نعملها عشان توصل للناس معني الكلام اللي بنقوله .. زي ما قولت في الأول هي محتاجة تخيل شوية يعني ممكن تفتح الصور وتقرأ الكلام هتلاقي الكلام سهل جداّ وهتفهم المنظومة دي ماشية إزاي
أعرف عربيتك صح - E3rf 3rbytk Sa7
لأ ده العربية بتساعد نفسها بنفسها عن طريق منظومة هندسية كاملة وعالية الدقة جداّ ومبدئياّ كدة وللعلم بالشئ الأسم العلمي لبيض العربيات عامة هو Ball Joints يعني الوصلات الكروية ونظراّ إلي أن الميكانيكية بيسموا أي جزء في العربية تبعاّ لشكله فا إتسمت الوصلات دي بالبيض عشان شبه البيض فعلاّ في شكلها ..
طيب إيه هي بقي وظيفة البيض ده في العربية ؟!
أه صحيح قبل ما نشرح أو نتكلم في أي حاجة الموضوع سهل جداّ جداّ بس محتاج تخيل شوية عشان يتفهم بس !!
أولاّ بيض الدركسيون ده بيبقي موجود في نهاية جزء أسمه إتياش الدركسيون والإتياش دي بتبقي متصلة بالركبة الأمامية في العربية من تحت عشان تكمل عملية التوجيه يمين و شمال لأن طول ما أنت ماشي مستقيم بالعربية مفيش مشكلة طب المشكلة بقي لما تيجي تلف يمين أو شمال هتعمل إيه ؟! هو ده بقي دور بيض الدركسيون إنه بيساعد علي عملية توجيه العربية في أي أتجاه و نقل الحركة من إتياش الدركسيون للركب الأمامية وبكدة نقدر نقول إن أنتهي دور بيض الدركسيون
طب دور بيض المقصات هيبدأ بقي أزاي ؟! دلوقتي الركب الأمامية دي متصلة بالشاسيه بتاع العربية عن طرق المقصات اللي بتثبتها بإحكام شديد جداّ طب دلوقتي الحركة أتنقلت خلاص من إتياش الدركسيون للركب الأمامية مين بقي اللي هينقل نفس الحركة دي من الركب الأمامية للشاسيه ؟! هو ده بقي بالظبط دور المقصات أو بالأخص دور بيض المقصات إنها تنقل الحركة من حاجة لحاجة وبكدة بتتم حركة دوران العربية في أي أتجاه
طبعا زي ما قولنا دي منظومة هندسية كاملة و عالية الدقة و بتتم في أقل من جزء من ثانية
الصور الموضحة تحت دي علي قد ما قدرنا نعملها عشان توصل للناس معني الكلام اللي بنقوله .. زي ما قولت في الأول هي محتاجة تخيل شوية يعني ممكن تفتح الصور وتقرأ الكلام هتلاقي الكلام سهل جداّ وهتفهم المنظومة دي ماشية إزاي
أعرف عربيتك صح - E3rf 3rbytk Sa7
