وتغيير الزيت بتاع الفرامل مهم جدا لانة مع مرور الوقت ا لزيت بيسود من الاستخدام فلازم يتغير
الشركات توصي بتغييرة كل 40 الف كيلو بس احنا فى مصر يقولك زودة وطبعا دة غلط
المهم نخش علي الشغل
الادوات المطلوبة
=========
1- مفتاخ 11 و 12 و 13 مشرشر
2- ازازة بيبيسي بلاستيك بغطاها
3- خرطوم بلاستيك بتاع الحقن البيطرية الكبيرة يعني محدش يروح يجيب خرطوم مية smile emoticon
4- 3 ازازة زيت فرامل الماني dot 4
الشرح
الفكرة بتاعت تغيير الزيت هو ان الزيت بيبقي فى الماستر الرئيسي وبيبقي موجود فى الماستر الفرعي فى كل عجلة
يبقي احنا لازم نفضي اللى موجود فى الفرعي الاول
هانكسر العجل يمين اوي ونخش نبص هنلاقي ماستر الفرعي للفرامل او الافضل انك تخلع العجلة تفكها يعني
فية بزبوز كدة طالع وفية صامولة عشان لما تحب تنزل الزيت تفتح الصامولة وتركب الخرطوم دة فى البزبوز وتخلي حد يكارك فرامل هتلاقي الزيت بينزل فى الخرطوم اللى هانحطة فى الازازة
يعني الخرطوم نخرم غطا الازازة وندخل الخرطوم جواها عشان الزيت القديم ينزل جواها
وتروح تفتح الماستر الرئيسي اللى فى الكابوت وتزود من الزيت الجديد وانت شغال بردة تكارك فرامل والزيت القديم شغال يعني تزود من فوق والقديم بينزل من تحت لحد ماتلاقي الزيت الجديد اللى انت حطيتة ظهر فى الخرطوم
دة معناة ان الزيت وصل من الماستر الرئيسي للفرعي
اهم نقطة بقة
اول ما الزيت يوصل وانت عاوز تقفل الزيت الماستر الفرعي يعني
تخلي اللي بيدوس فرامل يدوس مرتين والتالتة يفضل دايس ومثبت رجلة علي الفرامل وانت تقفل الصامولة تاني
دي اهميتها انك بتطلع اي هوا فى الدورة بتاعت الفرامل
وتكرر العملية مع الاربع عجلات
وكدة انت فراملك زي الفل والزيت تمام وتتفادي مشاكل كل الفرامل
المصدر : جروب أوبل الأسطورة الألمانية
