تنظيف الابلاتين واﻻسبيراتير

العملية دى مهمة جدا تتعمل كل فترة وبتفرق فى كل مظاهر الأداء للسيارة ولا تتكلف سوى ثمن فرخ صنفرة ناعمة مش هتحتاج منه غير حتة سنتى فى سنتى ورشتين دبليو دى فورتى وبتفرق جدا

العملية: تنظيف ملامسات وش الايراتير من الداخل من الاملاح والصدأ

سبب الاحتياج لها: مع استمرار استعمال السيارة ومرور تيار كهربائى ذو فولت عالى من الشاكوش الى ملامسات وش الاسبراتير المصنوعين من مادتين مختلفتين يحدث ترسب تدريجى للأملاح على الملامسات مما يؤدى الى فقد للشرارة وما يستتبع هذا من صعوبة تدوير السيارة صباحا وضعف السحب وارتفاع استهلاك الوقود والتسقيف والسخونة وخشونة المحرك


الطريقة:1-افتح الكبوت،2-تاكد ان السيارة مبطلة 3- فك وش الاسبراتير من مكانه 4- فك سلك البوبينة من وش الاسبراتير-5-اقلب الوش وخلي واجهته الداخلية ناحيتك-6 لاحظ اماكن بقع ترسبات الأملاح على ال3 ملامسات-7 رش رشة wd40 على كل ملامس8-حكها بالطنفرة الناعمة بمنتهى الخفة حتى اختفاء الأملاح وظهور المعدن-8-كرر نفس الخطوة مع طرف الشاكوش-9لا لاحظت تآكل شديد فى اى ملامس يكمنك تعويضة بدفع الملامس بمنتهى الخفة الوحر ليكون اقرب للشكوش لتعويض التآكل باتخدام مفك مع ملاخطة عدم العنف حتى لا تكسر الملامس او وش الاسبراتير-9اعد الوش الى مكانه وركبه-10ركب سلك البوبينة مكانه-11اقفل الكبوت -12ستمتع بالسيارة -13 ادعيلى


النتيجة:لو كانت عندك املاح مترسبة ونضفتها هتلاحظ نعومة المحرك وارتفاع السحب وانخفاض السخونة وانخفاض صوت المحرك وانخفاض استهلاك الوقود ، لأن الملامسات اللى مترسب عليها املاح بتعمل نفس تأثير البوجيهات البايظة


الأبلتين ممكن يتغير بعد اول الف كيلو و ممكن يتغير بعد 20000 كيلو، و ده يرجع لضبط الكهرباء في العربية و عادات السير لديك. يعني لو الكهرباء مضبوطة و بتمشي بسرعة لا تتجاوز ال90 كيلو فتأكد ان الأبلتين هايعيش معاك كتير اما لو الكهرباء مش مضبوطة و بتمشي بسرعة تتجاوز ال 9- او 100 كيلو اعرف ان الابلتين مش عايعمر معاك كتير ..