1- مفك صليبة قصير للفوانيس الديبو او بيبة 10 للفوانيس الاصلية
2- واحدة من الدواسات الامامية بتاعة الفرش
3- متر قياس 5متر او اكثر
نيجى بقى لكيفية التنفيذ:
هاتوقف العربية عمودى على الحائط على بعد 5 متر بالضبط يعنى هاتقيس 5 متر من الحائط وتوقف العربية على العلامة على بعد 5 متر
2- هاتفتح الكبوت وتنور النور الصغير مش العالى وتجيب الدواسة الامامية بتاعة الفرش وتحطها على فانوس من الاتنين وتبتدى تشتغل فى الثانى
3- هاتقيس المسافة بين نصف الفانوس تقريبا وبين الارض (ممكن تعرف نحدد نصف الفانوس عن طريق انك هاتبص على اللمبة نفسها هى بتبقى فى نصف الفانوس) هانقول طلعة المسافة اللى انت قيستاها دى = س
4- هاتخصم من القيمة س دى 6 سم يعنى س-6=مثلا ص
5- هاتقيس بالمتر المسافة ص دى من الارض وتعمل علامة كبيرة على الحائط عشان تعرف تشوفها وانت عند العربية
6- هاتمسك بقى الفانوس وتبتدى تشتغل على الريجلاش بتاعه هاتلاقى ان المسمار اللى فوق ده بتاع ضبط الفانوس يمين وشمال والمسمار اللى تحت بتاع ضبط الفانوس فوق وتحت
7- هاتظبط الارتفاع بتاع الفانوس على العلامة اللى انت عاملها على الحائط وبعدين تبتدى تظبط الاتجاه يمين وشمال
8- انت كده خلصت فانوس واحد تتفضل زى الباشا بقى تكرر نفس الخطوات من 2 ل 7 تانى بس على الفانوس التانى
وبكده انت ظبطت فوانيسك زى الكتالوج ما بيقول او زى ماتظبطت فى المصنع بتاع الحاج ميتسوبيشى زمان
وماتنساش اهم نقطة فى العملية دى كلها انك كل ماتنور النور بقى ويعجبك تدعيلى
