نصائح لقائد السيارة

هتكلم النهارده معاكم عن شوية نصائح هامه لقائدى السيارات هتفيدكم باذن الله

-فترة التلين للمحرك :-
خلال ال1000 كم الأولى يرجى اتباع النصائح الاتية :-
- تستنى لغاية لما العربية تسخن و تمشى يعنى متمشيش على طول
- متجريش بالعربية يعنى اخرك 80 كم
- متركبش معاك ناس كتير بالعربية و متحملهاش كتير

- لون زيت المحرك :-
ناس كتيرة بتبقى فرحانه بان لون الزيت متغيرش ولكن الحقيقة ان من وظيفة زيت التزييت فى المحرك هو تنظيف المحرك من نواتج احتكاك الاجزاء المتحركه بداخلة فلازم يتغير لونه دليل على انه بيقوم بوظيفته تمام فلو لاقيت الزيت لونه متغيرش يبقى ده دليل على ان الزيت المستخدم لم يقم بوظيفته وترك الرواسب بداخل المحرك فعلشان كده احذر و خلى بالك و اوعى تنخدع بان اللون متغيرش


- لون عادم المحرك :-
المفروض فى الظروف العاديه بيخرج العادم بدون أى لون ولكن فيه عندنا 3 أنواع من غازات العادم بتخرج من الشكمان فى حالات معينه كل واحد فيهم ليه لون مختلف عن الاخر ومن خلاله هتقدر تعرف تشخيص حالة المحرك

لو اللون أبيض : يبقى ده دليل على ان فيه تسرب للمياه التبريد فى غرفة الاحتراق
لو اللون رمادى فاتح يميل الى السواد : فده دليل على احتراق كميه كبيره من الوقود فى غرفة الاحتراق وده معناه ان الكربراتير محتاج للضبط
لو اللون أزرق سماوى : يبقى دليل على ان فيه احتراق لزيت التزييت فى غرفة الاحتراق وده بيدل على ان المحرك محتاج اصلاح

- رفع مستوى السيارة عن الأرض :
لو أنت من الناس اللى بيشتكوا بان العربية واطيه على الأرض مع التأكد من سلامة المساعديت و السوست يبقى لازم تروح لمراكز صيانة معتمده وتسال هنكا عن رفع مستوى العربية عن الارض ومتخودش بنصيحة حد يقولك حط عليات على السوست من تحت و من فوق اينعم هى فعلا هترفع العربية ولكن هتلاقى بقى المساعدين هيبوظوا بسرعه وهتلاقى خشونه فى العفشة و انت سايق 

 - شم رائحة بنزين اثناء القيادة :-
لو أنت من الناس اللى بيشتكوا كتير من ان فيه رائحة بنزين وانت سايق يبقى أول حاجة تيجى فى بالك انك لازم تتاكد من ان مفيش تسريب للبنزين وتتاكد من الضبط الصحيح للمحرك وبالخصوص على السرعات العالية
وتتاكد ان مفيش تنفيس للعادم من الشكمان وتتاكد من الاحكام الجيد للهوايات الداخلية للشنطه وتتاكد من احكام غلق الشنطه الخلفية بحيث انها متسربش عادم داخل السيارة