شرح الغاء الضوء النهارى برينو لوجان بالصور

بسم الله الرحمن الرحيم


رغم اعتراضي علي فصل النور النهاري لعدت اسباب منها:
انه وسيلة امان هامه جدا و بيخللي العربية متشافة الصبح كويس من السائقين المقابلين.
انه ميزة كبيرة و مش عيب.
انه محللي شكل العربية و دا انا حسيته لما غيرت اللمض ابيض و حاسس ان الاصفر احلي رغم ان اضاءة اللمض البيضاء اللي جبتها احسن و اعلي.
انه بصراحة بيجذب نظر الناس عشان ميحسدوش العربية.
لاكن في ناس كتير عاملها مشاكل مع الناس اللي حواليها لدرجة ان في زميل معانا واحد خبطله عالعربية عشان يقوله النور مولع. و بناء علي كدا حبيت اقولكم اذاي تفصلوه.
و ياريت تفصلوه كلكم عشان افضل انا الوحيد المميز بالنور النهاري فمصر
1
عارفين علبة الفيوزات اللي فجمب الطابلوه من ناحية باب السائق.

دخل فيها مفتاح من تحت زي اللي فالصورة و شدها لبره من تحت زي غطا الموبايل و هتفتح معاك.
2

 هتلاقي الفيوزات زي اللي فالصورة التانية، و هتلاقي مشبك فيوزات في ضهر الغطا اللي انت شلته فالخطوه الاولي امسكه و شيل بيه الفيوز اللي عليه العلامة و ارجع ركب الغطا تاني و ولا من شاف و لا من دري و باي باي داي لايت.......
و يفضل طبعا عمل الكلام دا فالتوكيل

تم كتابة الموضوع بواسطة الزميل محمد ثروت