أولا الموضوع من إعداد الزميل Mohamed Badwiتقرير اول 500 ك بالاوبترا الجديده :
1/الثبات :
مقبول نوعاً ما واللي يحس بالفرق ده اللي نازل من حاجة اعلى
2/التقفيل :
مش قد كده عندك مثلاً زرار الكاسيت بتاع الفوليوم تحس انك لو نفخت فيه هيتكسر مش زي الكروز ماسك نفسه والسماعات سيئة وهناك فوارق في التقفيل ف التابلوه
وفي صوت زنة جي من التابلوه هيموتني واللمبة بتاع الريوس مش شغاله يمين والانتظار شمال مش شغال
3/التكيف :
بسم الله ماشاء الله فوق الممتاز في عز الصهد العربيه بتلج ومبيأثرش في السحب بعكس الكروز
ممتاز فشخت لحد دالوقتي تويوتا هياس الطيارة دي وفانتازيا وبعد م حطيت ع بتاع الفانتازيا قالي انت هتخليني ابيع واجبلك فيرنا وطبعا شديت مع 301 وكنت حاطذ عليه لحد مشغل زرار الـSport مشفتوش بعدها وكأنه راكب صاروخ ارض جو
5/ البنزين :
اقتصاديه بعكس الكروز
6/المطبات والاحتكاك :
الحمدلله العربيه عاليه والمشكله منسيه
7/الفرامل :
سيئة جداً جداً جداً وغير اعتماديه بالمرة ضربت فرامل والAbs اشتغل والعربيه شعاله تتزلج ع الجليد
8/العفشه :
ناشفه شويه ولكن تكاد لا تذكر
9/العزل :
طبعاً مش زي الكروز بتاتاً
10/ الصالون :
واسع ومفيش الزرار الرخم بتاع التكيف بتاع الكروز اللي كان كل محد يركب جمبك لازم يسلم عليه يا يخبطه يا وانت ماشي تلاقي التكيف اشتغل مرة وحده ع 4 وساعتها بتشكر انت وانشراح في سرك وتقوم منزل الراكب حطه ف الشنطه اسهل
