صيانة ال 1000 كم لشانجان CS35

بسم الله الرحمن الرحيم

تقرير صيانة ال 1000 لشانجان cs35 بواسطة الزميل حلمى محمد


_________________

النهاردة تم عمل صيانة ال 1000 ل cs35
مركز الخدمة الرئيس بابو رواش طريق مصر اسكندرية
استقبال حافل بالترحيب من مهندس الاستقبال
الاستماع لاي استفسار يخص السيارة
استلام السيارة والتعريف بما سيتم عملة في الصيانة
تم دخول السيارة الي الورشة
الساعة 1 انا وصلت الساعة 12و45
تم تغير الزيت 5000 بسعر 125
تغير فلتر الزيت ب 55 ج
صيانة ال 1000 مجانا بدون اي مصنعية

( تربيط العفشة وتغير الزيت وغسيل السيارة بالكامل ووضعها علي جهاز الكمبيوتر )
دة بالنسبة للي حصل في التوكيل
هتكلم دلوقت عن حاجات تخص السيارة في الاستخدام
اولا استهلاك البنزين تقريبا كويس جداا لعربية اتوماتيك و 1600 cc

العربية بتعمل في الصفيحة (20 ليتر ) في الزحمة اللي جوا البلد 7.8 ليتر لكل 100 كيلو
علي طريق السفر بسرعة قابتة 100 ك في الساعة بتعمل 6.2 لكل 100 كم
ثبتاها عالي جداااا
عفشتها ناعمة وبتاخد وتدي معاك في المطبات والطرق المكسرة
اما علي الطريق السريع انت مش حاسس باي حاجة خالص كانك ماشي علي زجاج
فرامل قوية والعربية بتقف مع الفرامل من غير اي تعويم ولا سحف سنتميتر واحد وعن تجربة
ارتفاعها مناسب وحمل العربية كلها ولا اي حك في اي مطب مهما كان ارتفاعة او شكلة وطبعا كل اللي من القاهرة فاهمين كلامي عن المطبات كويس
تكيفها فعلا قوي
عزل السيارة وانت قافل الزجاج رهيب ولا كانك مشغل العربية وماشي وحواليك حد
السمعات كويسة جداا والصوت نقي تماما
سالت النهاردة مهندس الصيانة عن سير الكاتينة وطلع جنزير مش جلد
قطع الغيار كلها متوفرة في التوكيل من اول المسمار لحد الفانوس والاكصدام
اسعارها تقريبا في نفس اسعار النيسان الصني وكمان اجزاء كتير من العفشة هي عفشة الصني
العربية صيانتها كل 5000 كم
وضمنها خمس سنين مش 3 سنين